شوف نفسكـ قبل ماتنصح الناس

من طرف **الحيالة** الثلاثاء يوليو 10, 2007 11:33 pm

المشهد الاول

دخل الاب على ابنه

الاب: شلونك يا ولد يااثول

باوع عليه الولد وكله بدون مبالاة

الابن: اني زين ياابو الاثول

الاب: احجي عدل اكو هيجي يحجي ويا ابوه ؟؟

الابن: مو انت اللي دتشتم ؟

الاب: انا اشتم ياقندرة لكن انت لا
!!!!!!!!!!

المشهد الثاني

امه للولد

الام: اذا احد خابرني اني نايمة

الابن: بس انتي كاعدة منايمة

الام: اسمع الكلام ولك

الابن: طيب

يدك التلفون ويشيله الولد

الابن: لا ماما نايمة

الام مبتسمة
!!!!!!!!!!!! !!!!!!!!! !!!!

المشهد الثالث

الولد تأخر عن البيت للساعة 12 بالليل

استقبلته امه بالشتايم والرزايل

الام: وين جنت ياصايع ياضايع ؟؟؟

الابن: جنت يم صديقي

الام: كذاب اني اتصلت بكل اصدقائك وانت مو يمهم
شوف داكولك بلا كذب ترى اني اكثر شي اكرهة بحياتي هو الكذب
!!!!!!!!!!!! !

المشهد الرابع

نفس هالولد بس هالمرة مع خاله

الخال: ياابني السكاير مضرة بالصحة كلش
اياك في يوم من الايام تتقر منها

الولد: حاضر خالو

الخال: عفية عليك يلا روح جيبلي من المحل شغلة مابية حيل اروح

الولد : اي من عيوني خالو تفضل

الخال: علبة سكاير مالبورو لو سمحت
!!!!!!!!!!!! !!!!!!!!!

المشهد الاخير

الولد ديحجي لصديقه عن عركة بينه وبين امه

الولد : اي اليوم اني صيحت وعليت صوتي على امي

صديقه : لالالالالا شلون تسوي هيج انت ماتعرف رضا الله من رضا الوالدين ؟؟ عيب عليك تسوي
هيج هاي قلة ادب

الولد : صح عندك حق

ورا شوية اجتي ام صديقه عالمدرسة حتى تاخذه عالبيت

صديقه : انت شجابج هنا ؟؟؟ اني مو كتلج لا تجين للمدرسةةةةةةةةةةةةةةةةةةةةةةةةةة
وطبعا صوته وصل لأخر الشارع

الولد اغمى عليه

تسدل الستارة

تحيااااااااااااااااااااااااااااااتي

**الحيالة**